ខ្មែរ
English
ភ្នំពេញ គឺទីក្រុងដែលមានប្រជាជនរស់នៅច្រើនជាងមួយលាននាក់ និង ជាទីក្រុងធំលំដាប់ទី១ ដែលមានប្រជាជនរស់នៅច្រើនជាងគេក្នុងប្រទេសកម្ពុជា ។ ក្រុងភ្នំពេញ ជាមជ្ឈមណ្ឌលពាណិជ្ជកម្មដែលប្រមូលផ្ដុំទៅដោយ សំណង់អាគារលំនៅដ្ឋាន សាលារៀន មន្ទីពេទ្យ វត្តអារាម ទីផ្សារដោះដូរមុខទំនិញ លើមុខជំនួញជួញដូរ ទាំងក្នុងស្រុក និង ក្រៅស្រុក ក្នុងលំហូរសាច់ប្រាក់ជាអតិបរមា ដែលរួមបញ្ចូលទាំងសេដ្ឋកិច្ចទីផ្សារ សង្គមកិច្ច និង នយោបាយ ដែលនាំឱ្យទីក្រុងទាំងមូលក្លាយជាទីកន្លែងរស់នៅប្រកបដោយភាពសម្បូរបែប ។
ចំណែកហេដ្ឋារចនាសម្ព័ន្ធនានា កាន់តែទំនើប ជឿនលឿនទៅមុខ ពីមួយថ្ងៃទៅមួយថ្ងៃ។ សណ្ឋាគារប្រណិត ភោជនីយដ្ឋានលំដាប់ផ្កាយ លោកអ្នកសុទ្ធតែអាចរកបាននៅក្នុងទីក្រុងភ្នំពេញ។ ថ្ងៃនេះ ឡេឌីស៍ សូមណែនាំ សណ្ឋាគារចំនួន ៣ ដែលមានអាងហែលទឹក (private pool) នៅក្នុងនោះស្រាប់។
១. PAVILION: Private Pool Room
បន្ទាប់តូចត្រូវបានតុបតែង គួរឱ្យចង់ស្នាក់នៅ ដោយបន្ទប់នេះផ្តល់នូវជម្រើស២ គឺ ម៉ាស៊ីនត្រជាក់ ឫ កង្ហារ។ វាមានសាឡុង ទូរទស្សន៍ខ្សែកាប ជាមួយនឹង ទូរទឹកកកផងដែរ។ បន្ទាប់ទឹក private bathroom មានទឹកក្តៅ ទឹកត្រជាក់ ដោយមានផ្តល់ជូននូវ ម៉ាស៊ីនផ្លុំសម្ងួតសក់។ អ្វីដែលពិសេសនោះ គឺមានអាងហែលទឹកផ្ទាល់ខ្លួន (private pool) ដែលផ្តល់នូវឯកជនភាពពេញ ១០០ភាគរយសម្រាប់ការសម្រាកលំហែនៅក្នុងសណ្ឋាគារនេះ។
ទីតាំង ៖ ផ្ទះលេខ ២២៧ ផ្លូវលេខ ១៩ នៅជ្រុងខាងក្រោយវត្តបទុម (ខ្លោងទ្វារខាងលិច មានច្រកមួយជាមួយ នឹង ដំរីសពីរ។
២. Baitong Hotel & Resort Phnom Penh: Deluxe Plunge Pool
សណ្ឋាគារប្រណិតមួយនេះ ផ្តល់ជូននូវ អាងហែលទឹកផ្ទាល់ខ្លួន នៅពេលអ្នកជ្រើសរើសប្រភេទបន្ទប់ Deluxe Plunge Pool។ វាមានគ្រែគេង ១ រួមទាំងទូរទស្សន៍ដែលបំពាក់ streaming services ទូរទឹកកក និង សម្ភារៈសម្រាប់ឆុងកាហ្វេ និង តែ។ បន្ទប់មានច្រកចូលដាច់ដោយឡែក ផ្តល់ជូនឯកជនភាពដល់អតិថិជន។ ក្រៅពីនោះ សណ្ឋាគារនេះ មានកន្លែងហាត់ប្រាណ សួនច្បារ និង កន្លែងសម្រាប់អង្គុយលេងនៅទីធ្លារខាងក្រៅផងដែរ។
ទីតាំង ៖ អគារលេខ ១០ ផ្លូវ ២៨២ សង្កាត់បឹងកេងកង ១ ខណ្ឌចំការមន រាជធានីភ្នំពេញ។
៣. Bellevue Serviced Apartments: Studio
អាផាតមិន នៅភ្នំពេញមួយនេះ ផ្តល់ជូនលោកអ្នកនូវគ្រឿងបរិក្ឋាទំនើបនៅក្នុងបន្ទប់គេង ដែលអាចមើលឃើញទេសភាពដងទន្លេ ដ៏ស្រស់ស្អាត។ វាមានរានហាល នៅខាងក្រៅ និង ខាងក្នុងមានបំពាក់ចង្ក្រានបាយ។ វាមាន sky garden ទីលានសម្រាប់វាយ tennis កន្លែងហាត់ប្រាណ និង កន្លែងសម្រាប់ក្មេងលេង។ បង្អួចធំៗ រួមជាមួយនឹងរានហាលផ្ទាល់ខ្លួនផងនោះ អាចមើលឃើញដងទន្លេមេគង្គ និង ទន្លេសាប បានយ៉ាងពេញភ្នែក។
ទីតាំង ៖ អគារលេខ ៦៨-៦៩ ផ្ឡូវ ទន្លេសាប ជ្រោយចង្វារ រាជធានីភ្នំពេញ។
ប្រភព ៖ Hotels-with-private-pool.com
